തീവണ്ടിയുടെ അലർച്ചകേട്ടാണ് ഞാൻ ഉണർന്നത്.അതെ സ്റ്റേഷൻ ഇത് തന്നെ .പെട്ടെന്ന് മനസ്സിൽ ഓടിവന്നത് എന്റെ സാധനങ്ങൾ അടങ്ങിയ ബാഗ് ആയിരുന്നു .ആരെങ്കിലും അത് മോഷ്ട്ടിച്ചുകൊണ്ടുപോയോ ?
പരിപ്രാന്തിയോടെ ഞാൻ സീറ്റിന്റെ താഴെക്ക് നോക്കി .
ഇല്ല ...അത് അവിടെത്തനെയുണ്ട് ..ഭദ്രം !
ബാഗിൽ 'അമ്മ ഉണ്ടാക്കിത്തന്ന ചെമീൻ അച്ചാറും,കുറച്ചധികം പലഹാരങ്ങളും,എന്റെ കുറച്ച് തുണികളും ഉണ്ട് .
നാട്ടിലെ ജുനൈബിക്ക ഗൾഫിലേക്ക് പോകുമ്പോൾപോലും ഇത്രേം കഴിക്ക്യാൻ കൊണ്ടുപോയിണ്ടാവില്ല . ഇതിപ്പോ ഗൾഫ് അല്ലാലോ കർണാടക അല്ലെ .
ഞാൻ ബാഗ് എടുത്ത് ട്രെയിൻ ഇറങ്ങി .ഒട്ടും പരിചയമില്ലാത്ത നഗരം .ഇവിടെ നിന്ന് എങ്ങനെ പോകും ?
ആരോടെങ്കിലും ചോദിക്കാൻ വെച്ചാൽ ഭാഷ ഒരു പ്രശ്നമാണ് .
കേരളത്തിന്റെ അടുത്തുള്ള സംസ്ഥാനമാണെങ്കിലും കന്നഡ ഒട്ടും അറിയാത്ത ഞാൻ ഇവിടെ ശരിക്കും വേഷമിച്ചുപോകും അത് ഉറപ്പ് .
''അണ്ണാ ഹെബ്ബാൾ (Hebbale) ഗാവ് ''.
തമിഴും,മലയാളവും,ഹിന്ദിയും എല്ലാം കൂട്ടിപിടിച്ച് ഞാൻ ടാക്സി ഡ്രൈവറോട് ഒരു കാച്ചങ്ങു കാച്ചി വണ്ടിയിൽ കയറി .
അയാൾക്ക് മനസ്സിലായോ ഇല്ലയോ എന്ന് പോലും എനിക്ക് അയാളുടെ മുഖംനോക്കി കണ്ടുപിടിക്കാൻ കഴിഞ്ഞില്ല .
കുറച്ച് ദൂരം പോയപ്പോഴാണ് എന്റെ മനസ്സിൽ മറ്റൊരു പ്രശ്നം ഉടലെടുത്തത് .
ഞാൻ ഉദ്ദേശിച്ച സ്ഥലത്തേക്ക് തന്നെ ആണോ വണ്ടി പോകുന്നത് ?
ഞാൻ ഫോൺ എടുത്ത് മാപ്പിൽ നോക്കി ,അതെ ശരിയാണ് ...
എന്റെ ഭാഷ അയാൾക്ക് മനസിലായിരിക്കുന്നു ...!
വണ്ടി Hebbale യിൽ നിന്നു,ഞാൻ എന്റെ ബാഗും,അപ്പോയ്ന്റ്മെന്റ് ലെറ്ററും എടുത്ത് ഞാൻ ബാങ്കിലേക്ക് കേറി ജോയിൻ ചെയ്‌തു. ആ ബ്രാഞ്ചിലെ പുതിയ ക്ലർക്കായി എന്നെ എല്ലാവർക്കും മാനേജർ പരിചയപ്പെടുത്തി.
എനിക്ക് സഹായിയായി ഒരു പ്യൂൺനെ എന്റെ കൂടെ വിട്ടു .
സാറിന്റെ പേരെന്തായിരുന്നു...
കന്നടയിൽ പൊതിഞ്ഞ മലയാളത്തിൽ അയാൾ എന്നോട് ചോദിച്ചു .
നാനു മറുത്തൊപ്പിട്ടെ ..
ഏഹ്ഹ് ? എന്താ ?
പേരെന്താ ,നാനു മറന്നു പോയി !
ഓ അങ്ങനെ ,
ശ്രീകാന്ത് !
മലയാളം എങ്ങനെ അറിയാം ?
ഞാൻ ചോദിച്ചു .
അച്ഛന്റെ വീട് കാസർഗോഡ് .
ഇവിടെ settled .
മലയാളം കുറച്ചറിയാം .
അയാളുടെ മലയാളം എനിക്കൊരു ആശ്വാസമായി .
നിങ്ങളുടെ പേര് ?
ജയചന്ദ്രൻ .
ഞങ്ങൾ കുറച്ച് ദൂരം നടന്നു .
ഞങ്ങളുടെ ഇടയിൽ നിശബ്ദത വല്ലാതെ ഇടം പിടിച്ചിരുന്നു..
നിശബ്ദതയെ മുറിച്ചുകൊണ്ട് ഞാൻ ചോദിച്ചു .
താമസം എവിടെ ആണ് ?
അയാൾ ദൂരെക്ക് വിരൽ ചൂണ്ടി..
അവിടെ ഒരു വീട് ഒറ്റപ്പെട്ടിരിക്കുന്നത് കാണാം ,ഞങ്ങൾ അടുത്തേക്ക് എത്തി .
മനേ (വീട് )...
അയാൾ ഒരു നിമിഷം നിർത്തി മലയാളത്തിൽ പറഞ്ഞു,
വീട് കുറച്ച് പഴയതാണ് സർ ,
വീട് വൃത്തിയാകാൻ ആളെ വിടാം .
ഞാൻ തലയാട്ടി .
അത്യാവിശം വലുപ്പമുള്ള വീടായിരുന്നു അത് .കണ്ടാൽ ആൾതാമസം ഇല്ലാഞ്ഞിട്ട് കുറച്ചധികം വർഷങ്ങളായി തോന്നും.
ഇവിടുത്തെ ആൾക്കാരൊക്കെ എങ്ങനെയുണ്ട് ജയഗാരു ?
എന്റെ ആ വിളികേട്ട് അയാൾ ആദ്യം ഒന്ന് നോക്കി ,
ഞങ്ങൾ രണ്ടുപേരും ചിരിച്ചു .
'പരവാഗില '
അയാൾ പറഞ്ഞത് എനിക്ക് മനസിലായില്ല ,ഞാൻ മിഴിച്ചു നിന്നത് കണ്ടിട്ടാവും അയാൾ പറഞ്ഞു,കുഴപ്പമില്ല .
പക്ഷെ ഒരുത്തനെ സൂക്ഷിക്കണം ഇവിടെ .
ആരെ ?
കാർലോസ് !.
തുടരും തോന്നുന്നു!
